Kɔ́rán-Kɛ́ɓɛ́ ɓɛ́ Bassa-ɓɛ”

49- Ba ga bii ki kaat (kôntô); u tehe ni baboñmam-mabe ni woñi inyu’ mam ma yé mu; ba kalak le ‘ngoo yés!
imbe ini kaat i i ntodol bé hipéda to soso jam le i yelel bé jo? (yokela) ba ga tehe’ i mam ba bi boň kôba. Nwet woñ ki, a nkodbene bé mut (a mponos bé mut ngi-njom).

50- Ni ngéda Di kal biangel le ‘ôma mbom’ isi’ bisu bi Adam; ni bo ba ôm mbom’ isi, he bes iblis nu a béé wada ikété bayoñ; a pénda ni ora i Nwet wé. Ni nyoñ ni nye ni mbôda yéé mawanda he nduk Me? ki i yé le ba yé baoo banan? kinje bibéba bi malugna inyu bột ba nkoda!

51-Me bi yoñ béme bo mbôgi inyu héka i ngi to hisi, to inyu héka yap bomede. Me bi yoñ béme to bayumus-bôt kii bahôla.

52-Ni kel a ga kal bo le ‘séblana’ i bet ni bé kéda Me’; ba ga lôndôl ni bo, ndi ba ga timbhe bé bo. Di ma bii mpuge ipôla yap.

53- Baboñ-mam mabe ba ga tehe yaga ki hié, ba léba ni le ba nke’ i léña mu, ba bana bé lipéyéi (likil li ngwé).

54- Di nyôñôl yaga bôt ba binam mitén mi dihéga ñwominsôna munu i kur’an ini; ndi ikété bihékél (gwobisôna), mut-binam a nlôôha pééna.

55- Kii i ntuga ni bôt ba binam le ba hémle ingéda ñéga a nlôl bo, ni le ba bad Nwet wap nwéhél? he nduk le ba ngwés kôs kogse i bôt ba bisu (i bôt ba kôba)? tole ba boma njiiha mbomni-mbom.

56-Di ñom ni ndigi baôma kii balegel-ñwin-nlam ni babéhe. Batjél-hémle ba mpééna ni lôñni bibuk bi liyuma (bibuk bi biyômôk) inyu kôdne maliga mu; ba nyoñ ki biniigana gwem ni’ i yom ba ntine bo mabéhna gwom bi minjôha.

57-Kinje biyômôk ni’ nwet ba mbigdaha bibañga bi Allah ndi a kômôk gwo mbus ni hôya’ mam moo mé ma mbugus! ngo Di nha libunda’ miñem ñwap le ba soñda bañ yo; yag ni jegi’ maôô map. To lakii u nsébél bo i njelsép, ba ga telep bé sép kekiikel.

58-Nwet woñ ki, a yé Nti-ñwéhél, Ńwet-tohi; bale a pablaga ni gwel bo inyu nson ba ngwel, ki a yé ntinak bo njiiha; ndi ba gwé likak ntéébaga li ba ga lébna bé lisembna (likil li ngwé).

59- Béñge ni minkoñ Di bi tjé lakii mi bi yôm, Di téé ki likak inyu tjiba yap.

60- Ni ngéda Môsi a kal mbôñôl wé le ‘me ga telep béme letee me pam’ masulna ma balom (libomna li balom), to bale me ntégbaha mañwii’.

61-Ingéda ba bi pam ni’ masulna, ba hôya hiobi hap; hi gwel ni njel, kunde mu ikété lom.

62-Ingéda ba bi tagbe (ha), a kal mbôñôl wé le ‘lona bés bijek gwés bi kose, ngo di mboma tomb (waa) munu’ liké jés lini’.

63-(mbôñôl wéé) a kal (nye) le ‘nunki, ngo ingéda di bak di boñbe bebее ni mamb-ngok, me nhôya hiobi; ndi satan nyen a mboñ me le me hôya bigda hio, hi yoñ ni njel yéé mu’ i lom (i tuye), hélha-jam’.

64- (Môsi) a kal le ‘i homa nu nyen di yéñék; ni bo ba témb ni mbus mu’ litagbene jap (ni bo ba kahal timbis njañ).

65- Ba koba ni mbôñôl mu’ babôñôl Bés nu Di bi ti masoda ma lôlak i Bésni, Di ti yaga ki nye yi i i nlôl i Bésni

66- Môsi a kal nye le ‘baa me nla noñ we’ mbus le u niiga me mu’ biniigana u nkôsna inyu telepsép’?

67- (El kédir)) a kal (nye) le ‘hodo u ga la bé nihbe lôñ ni me,

68-lelaa u nla ni nihbe mam ma u gwééne bé yi yo-kii-yo’?

69-A kal nye le ‘u ga léba me mut-hônba ibale Allah a ngwés, me ga pééna béme to ora yoñ’.

70- A kal (nye) le ‘ibale wee u noñ ni me’ mbus, u bad bañ me jam jo-kii-jo, letee me nyen me bigda (me koble) we jo’.

71- Ba gwel ni njel letee ba bet (ba jôb)’ i môñgô, (El kédir) a tôb wo; (Môsi) a kal le ‘u ntôb wo le bôt béé ba yin’ malép? ngo u mboñ soso béba-jam’.

72-A kal le ‘baa me bi kal bé ntiik le u ga la bé nihbe lôñ ni me?

73- (Môsi) a kal le ‘u noñ bañ me inyu njom le me nhôya; u ti bañ to me manoodana ma ngui mu’ i jam jem (mu’ liké jem lôñni we).

74- Ba gwel ni ki njel letee ba boma mange, a nol nye; a kal (a bad nye) le ‘u nol mut ngi-njom nu a mbôk bé le a nol? ngo u mboñ soso béba-jam’.

75- A kal le ‘baa me bi kal bé we ntiik le u ga la bé nihbe lôñ ni me?’

76-A kal le ‘ibale me mbad ki we mbadga inyu jam jo-kiijo, u ke ha baň lôñ ni me; u ga bana bé njom i bagla ni me’.

77-Ba kônde ke’ bisu letee ba pam i ngim mbai; ba bad bôt ba mbai matééda, ni bo ba tjél. Ba koba libap li nsômbôl kwo, a téé jo; (Môsi) a kal nye le ‘bale u gwés ki u mbad nsaa mu’;

78-A kal nye le mbagla i mal nene ipôla bésna-we; me nke i ti we ngobol i’ mam u nla bé hônba:

79- Inyu kuñga, i béé i diyeba-di-bôt di di bé sal mu’i tuye; me bi gwés ôbôs yo inyule’ bisu gwap, ngim kaisa i bé kadal hikii kunga ni lôs;

80- Inyu mange, bagwal béé ba béé bahémle-Nyambe; di bi kon woñi le a tiga ôdna bo i ndok ni i ngihémle;

81-Di sômbôl ni le Nwet wap a héñha bo nye ni numpe, numpubi, ni ñem-ngoo.

82-Inyu libap ni, li béé li bon ba nyu ibaa mu’ libôñ; ba banga lisôô li nkus mu’isi yéé; nsañ wap a ma ba longe-mut’ bisu bi ngéda. Nwet woñ ni kona yéé ngoo, a gwés ni le ba hôlôl, ba hulul nkus wap (bomede); me bi boñ ni béme hala ni kunde yem; hala a yé ngobol i’ mam u nla bé hônba.

83- Bа mbad ki we mambadga inyu Zulkarnain; kal (bo) le ‘me nkwélés béé nkwel-mbigda inyu yéé;

84-Ni maliga le Di bi ti nye kômbe’ nkoñ’isi, Di néhne ki nye njel i hikii jam;

85-A noñ ni ngim njel,

86- Letee a pam’ linañle li hiangaa, a koba hio hi niñne’ lingen li nkundul ni lék; a koba ki ngim litén ha bebee. Di kal (nye) le ‘a Zul-karnain, u nla kogse bo tole u bane bo ni longe-ñem’

87-A kal le ‘i nwet a yé nkoda, di ga kogse nye; a témb ki’ bisu bi Nwet wé, A kogse nye bañga-likogsege,

88-Ndi’ nwet a nhémle ni boñ mam malam, a gwé nsaa-nlam; di ga tine ki nye ora inyu’ mam ma nhoi.

89-A noñ ki ngim njel (njel’ ipe),

90- Letee a pam’ lipémél li hiangaa ni koba le hi mpémél’i ngi ngim litén i Di bi ti bé hôbna yo-kii-yo i solob hio.

91-Hala nyen yi yés i milba’i yom a bééna.

92- A noñ ki ngim njel (njel’ ipe)

93- Letee a pam ipôla mapénd imaa (dikôa dibaa) ni koba ngim litén’ mbus yap i i nok bé hop wo-kii-wo

94-Ba kal (nye) le ‘a Zul-karnain, ngo ya’jûj ni ma’jûj ba mpuñgul (ba nyubda) nkoñ’isi; di nla ni ti ki we inyuboñle u sék ngaa ipôla bés ni bo?’

95-A kal (bo) le ‘i yom Nwet wem a nti me yon i yé me nseñ. Hôlnana ni ndigi me ni ngui-minsôn, me oñ libap ipôla béé ni bo;

96- Lonana me matut ma bikei’. Kii ba nyônôs pola-dikôa tjodibaa, a kal (bo) le ‘ni hue. kii a nhiel ni yo hié, a kal (bo) le ‘lonana me kôyôb’i éña me kôb mu’.

97- Ba la ni ha bé lel jo (libap) ndi to tôb jo.

98-A kal (bo) le ‘hala a yé masoda ma Nwet wem. Ndi ingéda likak li Nwet wem i ga baambe (kel-nsôk), a ga nyugut jo; ni likak li Nwet wem li yé yaga maliga.

99-Di ga ňwas bo yokel, bana ba tagbege’i ngi bana-bape. Ba ga hem toñ, Di kod ni bobasôna ntôn.

100- Yokel ki, Di ga kôôgaha jahannama (bee-hié) bebee ni bangihémle,